茶餐廳手記（#1142）要繁榮，香港人一定要放棄部份物業

　　今日早上去到茶餐廳，有客人話近日有不少外地，包括內地以及新馬老友，趁樓價下跌，在香港買了樓，並且表示，在香港有樓，以後就要多啲嚟香港，子女甚至要嚟香港讀書，多了人來港居住，對香港經濟環境一定有幫助，如此來看，樓價下跌並非壞事。

　　老闆話，香港經濟其實又唔係咁差，樓價下跌原因之一，應該是太高唔合理，任何外地人如果打算來香港買樓，見到不但樓價高，兩年前仲要俾辣招印花稅，任何人都唔會做傻仔，不少內地人轉去新加坡買樓，後來政府取消辣招印花稅，情況才有改善，但適逢利息上升，銀行call loan，不少業主要賣樓降低借貸比率，樓價才會下跌，不過，傳媒講得樓市太差，經常報道那些蝕錢的業主，令到有能力的香港人都唔敢買樓，益了那班外地人，不過，這亦無話可說，畢竟選擇是在自己手上。

　　現在在香港買樓的外地人，他們並不是一時衝動，而是比對過各地樓價，經濟，甚至未來發展等， 香港自然是首選，不過，香港樓價一直高企，又要俾辣招印花稅，所以遲遲未有在香港置業，現在樓價下跌，他們便毫不猶豫在香港買樓，至於被迫賣樓的業主，只能講要繁榮，香港人一定要放棄部份物業，吸引多些外地人來港長住，消費，這才是長久之計。