今日早上去到茶餐廳，有客人話，昨晚有朋友請飲清酒，當中有一支十四代，十四代的確與其他清酒唔同，究竟日本清酒分幾多類。
老闆識飲識食，當然由佢回答，老闆話，清酒只得兩款，一是各類型的清酒，二是十四代，當大家飲過十四代，就唔會飲其他清酒，除非冇錢，十四代實在太貴，比其他清酒貴十倍以上，就算好飲都唔可以經常飲。
現在大家都同意，這個世界只有G2，中國與美國，G2當中，一般人都認為美國無論在經濟體系或者軍事力量都比中國強大，盟友亦較多，但有一個現象，評論員都唔會講出嚟，就是任何國家與中國交往之後，慢慢就會疏遠美國，除非是受到美國壓力，否則，一定會傾向中國。
老闆再解釋，這個世界如果是清酒世界，大家都會比較了解，中國是十四代，美國是清酒，如果沒有十四代，大家飲清酒是沒有問題，但如果飲過十四代，可以選擇的話，只會飲十四代不會飲其他清酒，不過，現實世界與清酒世界不同，清酒世界，十四代很貴，在現實世界，與中國交往絕對有利自己國家。
