今日早上去到茶餐廳，聽到有客人話有不少打算移民的朋友，近日又冇乜動靜，當中甚至有朋友買埋樓，真係唔明白他們點諗，明知要移民仲買樓，唔通嫌錢腥，唔知要俾4.25 ％印花稅。
老闆話，唔通真係慷慨赴死易，從容就義難，當日大家話移民，講到移民後的前途幾咁美滿，但到了付諸實流的時候，發覺移民後的生活並未如理想，如果有錢帶過去慢慢搣還可以，如果在當地搵錢當地洗就好辛苦，不如唔再提，不了了之便算數，很少人會多口問朋友點解仲未移民。
近日唔多聽到有人話移民的主要原因，除了移民潮已經過去之外，其次是有很多人回流，當打算移民的人見到有人回流，基本上都知道發生什麼事，除非迫不得已，否則都唔會再提移民，所以，大家應該歡迎回流的港人，並不是話他們浪子回頭，而是他們會令一些打算移民的港人唔敢走，而香港最需要就是人口，尤其是那些可以移民的港人，他們留低始終對香港有利，所以，不要岐視回流的港人。
上一則：
Javascript must be enabled to use this form.
敬請留言者自律。本網站保留刪除/堵截任何留言的權利。
