茶餐廳手記（#1106）物業買賣不經律師會損香港法治

　　今日早上去到茶餐廳，聽到有客人話，內地以及很多國家，物業買賣是不用經律師，只要買賣雙方去有關部門登記便可以，香港是否可以效法，咁樣買樓的人慳返不少錢。

　　老闆話，賣方的確可以不用律師，但買家唔用律師就很危險，因為買家唔知道物業有冇被抵押，做擔保，有沒有court order，賣家一定話冇，但買家唔用律師查清楚，少則在落訂之後，才發覺物業欠了很多錢，賣咗樓都唔夠冚，業主又唔肯退回訂金，並且揚言買家若不按時成交，不但殺訂並且會追討欠款，不過，這還是小事，最多損失訂金，如果成交後，交哂錢才發覺物業做咗私人抵押擔保，債主向法院申請收樓，咁就大件事，所以，買家一定要用律師，將訂金放在律師樓，以及證實物業沒有擔保和訴訟，才可以成交，咁少律師費，買家唔應該慳。

　　老闆可能唔知道，香港法治有如此崇高地位，買樓的人貢獻不少，現在香港律師樓的收入，大部分來自物業交易，如果物業買賣不用律師，律師樓便會少了這筆收入，可能要用旁門左道，甚至違法來搵錢，不斷鼓勵客戶打官司，芝麻綠豆的事都打一餐，要求天價賠償，香港法治精神慢慢就會消失，所以，要維護香港法治精神，物業買賣經律師樓是必需的。