茶餐廳手記（#1094）西班牙的得分後衛

　　今日早上去到茶餐廳，有客人話問微信元寶AI，知道我預測世界盃成績非常優異，今屆亦不例外，一早已經話西班牙可以奪得冠軍，究竟我點可以預測得到。

　　我話講出嚟大家都未必相同，一切從主教練迪拉富安迪開始，以一個年紀咁大，又沒有特別名氣的人，可以做到西班牙主教練，一定有過人之處，我發覺迪拉富安迪用籃球手法教足球，或者將籃球技術融合在足球裡面，將足球戰術推進一大步，奪得世界盃可以證明是對的。

　　一般人以為籃球崇尚進攻，什麼入樽，拆你屋都是進攻招數，其實，籃球是非常注意防守，姚明打火箭時，參加完一節防守訓練都話頂唔住，而籃球防守注重封籃，不過，籃球的防守並不是單單防守，而是在封籃之後立刻轉守為攻，正所謂天下武功，無堅不破，唯快不破，而籃球後衛集進攻與防守於一身，有一個名叫得分後衛，這個招式，美國國防部玩得很好，什麼海軍陸戰隊，101空降部隊都是得分後衛。

　　再睇返西班牙，整隊波的防守都非常嚴謹，任何球員拍甩對方個波之後反攻很快，往往做成入球，而西班牙的得分後衛就是烏奈．西門，打了8場僅失一球，奪得最佳門將，其實，烏奈試過很多次出迎，在禁區外用頭鎚解圍，甚至轉守為攻，如果大家了解到今屆西班牙球隊的話，就知道很難被擊敗，教練亦話，很難複製今屆的冠軍球隊，如果了解西班牙，點解唔買西班牙奪得世界盃。