茶餐廳手記（#1046）收緊IPO等同新樓盤加價

　　今日早上去到茶餐廳，有客人話自己間公司打算申請上市，顧問公司話十拿九穩，但一定要快，港交所隨時會收緊，到時上唔到市，就變成捉到鹿唔識脫角，不過有朋友勸佢，如果合資格，幾時申請上市都是很容易，唔需要咁心急，顧問公司梗係希望佢快啲申請上市，又可以賺一筆。

　　老闆話，大家誤會了港交所放寬上市條件，其實並沒有，而是採取孔子的有教無類，合資格的是可以上到市，以前，即使合資格都很難上市，自從改變策略之後，香港IPO由世界排名第六，跳升至排名第一，相信過多一兩年，就會有聲音話香港上市要求寬鬆，上市公司的質素沒有保證，港交所應該在那些謠言未出現之前，就要收緊上市公司的條件，這樣才可以保障已經在香港上市的公司，否則就會俾人話阿貓阿狗都可以在香港上市。

　　港交所收緊上市的道理同香港地產商賣新樓差不多，國內地產賣新樓，最初開價非常高，見新樓盤唔好賣，就不斷打折減價，令到最初買樓的人唔開心，香港地產商開價合理，以後每次開售都會加少少價，即是最後一批售價只是高於第一批幾個％，雖然唔會令到新樓盤買家賺好多錢，但最少他們唔會唔開心，亦不會撻訂，這亦是咁多國內人在香港買新樓的原因之一，港交所稍為收緊IPO，就算冇實質作用，最少會令到近兩年上咗市的公司負責人很開心。