茶餐廳手記（#1044）識人好過識字，消息勝過分析

　　今日早上去到茶餐廳，有做經濟分析的客人牙痛咁聲，佢話自美以伊戰爭開始，已經非常努力分析股市走勢，托賴亦做得唔錯，尤其是在特朗普對伊朗下了48小時最後通牒之後，美股港股都會大冧，本來是坐定粒六食糊，但特朗普突然發文話與伊朗有計傾，最後通牒延長5日，道指不但止跌，而且大幅回升，今次真係識人好過識字，如果知道特朗普會延長最後通牒時間，就唔會話股市大冧。

　　老闆話，分析是沒有錯，特朗普見美軍未能如期集結，48小時之內一定不可能進攻伊朗，於是用緩兵之計，將最後通牒延長5日，話同伊朗有計傾，而且傾得唔錯，令到大家以為美伊真係有計傾而急速入市，前事不忘 後事之師，哈梅內伊當日都是以為美伊有計傾而不設防，最後被美以斬首，投資者以為美伊有計傾而急速入市，倘若美軍進攻伊朗，今日入市的人就會輸到阿媽都唔認得。

　　老闆講得冇錯，如果美伊有計傾，伊朗就不會展開真實承諾第79輪，最低限度都會暫停幾日，所以，這證明特朗普只是自說自話，不過，如果識得特朗普身邊一個人，就勝過所有分析，他就是特朗普女婿庫什納，現在特朗普是否會進攻伊朗，都是聽庫什納的意見，如果庫什納贊成，特朗普都唔會反對，識人好過識字，如果能夠從庫什納方面得到消息，勝過一切分析。