茶餐廳手記（#1028）中國科研的人海戰術

　　今日早上去茶餐廳，有客人話在春節期間同幾位外國朋友傾計，他們都被春晚的機械人表演嚇暈，他們不明白中國的機械人比美國起步遲，但現在已經放離很多，理論上中美在科研投放的資源差不多，美國應該繼續領先中國，點解中國機械人反而可以領先美國咁多。

　　老闆話記得以前有人同佢講，同一個科研項目，在歐洲研究的人可以坐滿一個班房，在美國可以填滿一個籃球場，在中國，一個足球場都唔夠企，人多好辦事，所以，中國的科研項目比歐美都要快，而且，以前替美國做科研的都是中國人，現在有部分返中國做科研，在此消彼長之下，同一個科研項目，例如航天科技或者機械人，中國能夠得到有效成果快美國很多。

　　老闆的比喻雖然合情合理，但畢竟都是以前的，有一點落後，甚至是抽象，我記得有一個教授同我講，每一個科研項目都有很多問題要攻克，就好似他為一科考試出了20條問題，在歐洲只得一個人作答，所以，要一段長時間才可以得到所有答案，在美國有4-5個人作答，快過歐洲很多，但與中國仍有一段距離，輪到中國，20條題目分別由20個人作答，結果快美國幾倍時間，歐洲就更加唔使講，所以，在春晚中國的機械人已經可以玩湯馬士盤旋，美國的只是能夠步行，科研亦要用人海戰術，這是中國的強項。