茶餐廳手記（#975）港隊A對港隊B

　　今日早上去到茶餐廳，聽到有客人講今次立法會選舉投票尚算正常，投票率高了，但美中不足就是選民登記減少，即使投票率高了，但投票人數反而降低，究竟點解選民登記會下降？

　　老闆話情況好似港隊A對港隊B，如果世界盃外圍隊，香港可以出兩隊，到最後港隊A與港隊B爭一席位，本來都是很刺激，但大多數會認為，自己友打自己友，香港點都會出線，所以，買票入場睇波的人會下降，不過，倘若他們買了飛，就大多數會入場睇波。今次立法會選舉，應該所有議員都是親政府，有市民認為，無論揀邊個，都是親政府人士當選，索性唔登記做選民，令到選民登記數字下降，直接影響投票人數，所以，政府應該鼓勵市民登記做選民，並且要表示，即使所有議員都是支持政府，但仍然會發表唔同聲音表達自己意見，甚至監察政府，如果選民登記人數不如理想，代表政府宣傳不足，做得不足夠，變相是監察政府，到了下一屆，政府在宣傳方面要再下一番苦功。

　　不過，不能夠話港隊A對港隊B一定冇人睇，以前香港足球，每逢精工對寶路華、加路連山一定人山人海，我唔講很多人都知道，精工與寶路華分別由兩個泰國華僑兄弟擁有，兩隊對賽，反而是入場人數保證，當然，兩隊在對賽之前亦會搞很多小動作，例如兩隊外援會為比賽爭拗，甚至會在酒吧大打出手，最後當然冇事，因為他們一早已備案，打交是一種宣傳，所以參選的人士應該激烈炮轟對手，製造出一個效果，大家太斯文，當然吸引唔到港人做選民，如果港隊A對港隊B，連黃牌都冇一張，真係唔會有人睇。