茶餐廳手記（#970）馬杜羅會不會離開委內瑞拉

　　今日早上去到茶餐廳，有客人話委內瑞拉總統馬杜羅被特朗普要求離開委內瑞拉，上月28日已經是最後限期，馬杜羅並沒有離開，期間與特朗普通電話講條件，最後大家傾唔掂，美國關閉委內瑞拉領空，令到委內瑞拉好似古巴一樣，究竟馬杜羅最後會不會離開委內瑞拉。

　　老闆話真的很奇怪，特朗普以製造毒品為理由要求馬杜羅辭職，由一個親美人士接任，但特朗普的盟友澤連斯基以及小馬可斯都被懷疑吸毒，所以，以打擊毒品要求馬杜羅落台是行唔通，美國應該推行反吸毒而非打擊製毒。其實，特朗普醉翁之意不是毒品，而是石油，馬杜羅只是懷壁其罪，如果馬杜羅同意美國參與委內瑞拉的石油開發，估計特朗普馬上會改口話與馬杜羅是好友。

　　老闆話如果佢係馬杜羅，一定唔會離開委內瑞拉，因為離開與否，結果都是被暗殺死亡，如果是因為委內瑞拉人民反抗，好似馬可斯一樣，就要考慮離開，但如果被侵略，離開反而變成賣國賊，留在委內瑞拉反而有一線生機，不過，特朗普是會利誘馬杜羅，例如擔保他們財富不會被充公，家人不會被制裁，不過，那些擔保都是空口講白話，馬杜羅亦知道，沒有人民支持，他們的生命朝不保夕，不過，搞政治的人預咗要犧牲，不少移英港人亦有此同感。