茶餐廳手記（#958）點解揭人私隱的YouTuber 搵唔到錢

　　今日早上去到茶餐廳，有剛從英國回來的客人話當地YouTuber 界聽到香港小斯以1.36億買樓，非常呷醋，他們唔信，他們用盡一切方法揭香港名人的私隱，有人睇但很少人俾錢睇，收埋收埋都唔夠交租，更何況是買樓，仲要買咁貴的樓，小斯買樓大多數是替地產商宣傳。

　　老闆話，今次真係食唔到的葡萄是酸的，小斯的收入不但有稅局的確證，而且，不少旅行社亦承認他們有付錢給小斯搞推廣，旅客得益，旅行社亦得益，這才是小斯賺錢的原因。

　　旅居英國的YouTuber可能不明白，他們做的視頻專門揭名人私隱，是真是假，則信則是，不信則假，但是他們所發的視頻都是從其他傳媒所得的訊息，新鮮感已經不足，連發幾次之後，根本很少人睇，更何況要那些人俾錢，所以，旅居英國，專門揭名人私隱的YouTuber搵唔到錢，見到小斯買樓呷哂醋，其實YouTuber 唔知道，他們揭人私隱，被揭的人當然唔開心，但睇的人又沒有著數，試問他們又點樣搵錢。

　　不過，小斯亦要多謝那一班YouTuber，若非他們集中揭名人私隱，改而做一些與小斯類似報導，小斯是不會有咁大流量，咁就唔會搵咁多錢，換句話說，市場上流量是有，只不過揭人私隱的YouTuber唔識得執。