今日早上去到茶餐廳，有客人話，西方傳媒認為今次特習會唔稱得上成功，中美有很多問題仍未解決，但香港人就覺得唔錯，起碼沒有惡化，至於未解決的問題，就好似四川人話，食一餐火鍋，一餐搞唔掂就食夠兩餐，特習會又點會一次可以傾掂，甚至傾幾多次都唔會掂，不過，點都會傾，問題仍在解決中也是解決問題的一種方法。
老闆話，特習會雖然冇解決中美所有問題，但令到很多有切身利益的人很無奈，首先是台灣，特習提都冇提，特朗普甚至重申一個中國政策都唔講，叫台灣人情何以堪，被人忽略的滋味是很難受。
其次是日本，新任日本女首相高市早苗跟出跟入，佈定局特朗普又唔上當，始終沒有向日本國旗鞠躬，其實想都想得到，日本與周邊國家俄羅斯，中國，韓國都有好大仇口，如果沒有美國照住，日本早已沒有了，
特朗普又點會向日本國旗鞠躬，今次是高市早苗高估自己，Punk女想法是有啲不同。
最無奈應該是荷蘭，為了執行美國的50%穿透性規則，沒收由中國企業聞泰科技100%擁有的安世半導體，老實說，沒有穿透性規則，荷蘭政府亦樂意這樣做，當日蝕大本的時候賣俾聞泰科技，今日賺大錢的時候沒收，比強盜更狠，強盜只會搶，不會要你買，現在荷蘭政府賣俾聞泰科技，做得好又搶返，一毫子都唔俾，真係夠狠，但現在穿透性規則暫停一年，荷蘭可以唔沒收安世半導體又唔會被美國指責，但現在已經出了手，甚至影響全歐洲車企晶片的供應鏈，今次唔知點樣收科。
今次特習會，最主要是稀土，現在中國稀土維持正常供應一年，美國當然冇問題，但沒有講歐洲，除了荷蘭，德國，法國，英國等，全部都受到影響，都唔知美國會不會照他們，如果沒有稀土，歐洲的科技就會被中美大幅拋離，歐洲大國跟隨美國，現在真的是很無奈。
