今日早上去到茶餐廳，見到隔離舖位業主話茶餐廳生意咁好，應該租埋他的舖位，將兩個舖位打通，可以做大做強，老闆謙虛話沒有咁大財力，現在守得住已經唔錯，誰不知隔離舖位業主話，可以將茶餐廳舖位賣俾佢，然後兩個舖位一齊租，財力不足的問題很容易解決，老闆話舖位是他的命根，點都唔肯賣，反之叫隔離舖位業主將舖位賣俾佢，對方當然唔肯，事情不了了之。
有客人話，近日報章報道麥當勞美國總公司準備賣走23個在香港的自用舖位，理論上美國麥當勞唔會俾銀行call loan，唔需要賣走自用舖位，消息出街之後，離開香港的YouTuber非常雀躍，立刻出視頻話美國麥當勞都睇唔好香港，準備大撤離，香港玩完了。
老闆話，撤離的確是撤離，但並不是今日，而是在2017年，已離職CEO將部分中港股份賣俾中資機構以及外資基金，理由當然是睇唔好中港市場，但賣走之後，中港麥當勞分店由2400間升至5500間，CEO當然冇得留低，
新上任的CEO睇好中港市場，用高6倍價格買回當日出售俾外資基金的股份，由於銀碼太大，要賣走香港的舖位籌集資金，嚴格來說，美國麥當勞並沒有睇唔好中港市場，撤離香港，只是轉換投資而已。
在這個時候，麥當勞咁高調賣舖位，估計已經有潛在買家，現在只是走一個流程，免得日後被股東指責賤賣舖位，如果不是有潛在買家，現在要賣走咁多個貴價舖位真係好難，做慣生意的美國麥當勞管理層冇理由唔知道這個道理。
