茶餐廳手記（#805）沒有百分百勝算，千祈唔好發動戰爭

　　今日早上去到茶餐廳，所有客人都講印巴空戰，印度主力用法國製的四代半戰機陣風，竟然輸比巴基斯坦用中國製的四代戰機殲10C，而且戰績是5比0，唔計無人機，印度損失3架陣風，一架米格29，一架蘇30，印度總理莫迪顏面無光，巴基斯坦方面仲話已經收手，否則的話可以打落15架印度戰機，真係極盡侮辱，好似一場足球賽，已經贏咗5比0的勝方仲話已經留手，否則可以好輕鬆贏15比0，客人話唔明白印度，根本沒有百分百勝算，點解要發動戰爭。

　　老闆話，印度在發動戰爭之前，當然是認為自己有百分百勝算，除了在過去幾十年，每次印巴衝突，最後都是由印度取得勝利，在國際斡旋下結束戰爭，莫迪認為今次亦不例外，巴基斯坦有兩款主力戰機，美國製的F-16以及中國製的殲10C，在今次印巴衝突之前，美國表明唔准巴基斯坦用F-16戰機打印度，否則就關了戰機上導航，咁樣即是廢了巴基斯坦一隻手，在商言商，如果唔准用F-16戰機打印度，點解要買，不能用F-16，剩返只有殲10C，而全世界都知道，殲10C只是殲的入門版，還有11，15，16，20，35，36，面對如此弱雞的巴基斯坦空軍，印度點會認為自己冇勝算，真係唔打就笨。

　　現在週街都笑莫迪，冇勝算都夠膽發動戰爭，其實，莫迪已經比特朗普好，莫迪只是對巴基斯坦發動戰爭，特朗普向全世界徵收關稅，發動貿易戰，佢本來以為在發動貿易戰之後，所有國家領導人排隊錫佢屁股，要求達成貿易協議，但完來除了英國之外，其他極度倚賴美國的國家都沒有與特朗普達成貿易協議，中國更加唔使講，對美國出口份額只佔11-14%，就算與美國脫鈎，中國仍然可以堅持一段長時間，反觀美國，超市貨架已經空虛，仲可以捱得幾耐真係唔知，不過，貿易戰總有終結的一日，到那時候，美國人民會發覺，物價比貿易戰之前貴了很多。