茶餐廳手記（#758）The best motivation is say yes

　　星期二早上去到茶餐廳，老闆有行家嚟借人，原因是行家有幾個伙記辭工，老闆話冇問題，剛好有一個伙記準備放大假，而佢又知道那位伙記沒有打算去旅行，只是在香港休息幾日，不過，他不方便叫伙記去做散工，叫行家自己問，那位伙記二話不說就拒絕，老闆行家自言自語話真奇怪，已經問過幾個人，他們連工錢都冇問就拒絕，究竟點解。

　　行家走後，老闆問伙記，既然唔打算去旅行，點解唔炒散，幾日都好，人工唔錯，伙記話見過鬼怕黑，他試過去老闆行家的茶餐廳炒散，一個人頂兩個人工作，生意做多了，佢自己都做到散，但老闆行家始終唔滿意，仲話以前請的散工好過佢，所以今次明明得閒，都唔去炒散，伙記咁講，大家都明白。

　　大家讀HR 101，一定會提到3M理論，分別是Money，Morale，Motivation ，三者之中，金錢的確是非常好推動力，正所謂有錢使得鬼推磨，但唔係最好，打過工的教授會話，the best motivation is say yes，未打過工的教授就講唔出這個道理，只會話MMM。

　　有客人話，唔怪之得阿媽叫佢唔好打政府工，因為打工只有一個老闆，打政府工有無數咁多老闆，而且大部分只會講no，唔會講yes，人工又唔係咁高，點解要咁受氣打政府工。