星期六早上去到茶餐廳，有客人話唔明白特朗普向加拿大墨西哥開徵的25%，延遲又延遲，究竟等乜嘢，唔通得過講字。
老闆話，特朗普其實唔想開徵關稅，除了美國財長之外，全世界都知道關稅最終由美國人民承擔，又會推高通脹，減息無望，如果不是對中國開徵25%關稅，美國通脹早已回落，美國亦早已減息，冇理由好似現在咁全世界都減息，只得美國減唔到，香港就冇辦法，因為有聯繫匯率，想減都減唔到。
特朗普是等緊一個結果，才決定幾時對加墨及其家國家開徵關稅，就是全世界人民對移民金咭的反應，
如果移民金咭計劃成功，一次過可以搞掂美債，仲多咗1000萬優質移民，而其他國家則減少了那些移民去美國的國民，此消彼長，未來一百年仍然是美國的。
有客人話，特朗普金咭移民計劃的如意算盤可能打唔響，條數的確係咁計，發行1000萬張，每張500萬美元的移民金咭，美國可以得到50萬億美元，解決36萬億美元的美債，以後不用付高息，仲有14萬億用作發展，但問題只有一個，就是全世界有冇咁多有錢佬可以大拿拿攞500萬美元買移民金咭。
客人講得冇錯，最近來坊發表了一份有錢佬報告，全世界擁有超過1000美元的富豪有234萬人，美國排第一，有90.5萬，香港排第十，有4.27萬人，相信一個打算用500萬美元買金咭的人，最低限度都要有1000萬美元身家，美國人當然是不用買金咭，所以，全世界有能力買移民金咭的人只有143.5萬，一份報告令特朗普祈望幻滅，移民金咭計劃是不會胎死腹中，不過就得唔到預期效果。
