今日早上，茶餐廳雖然有很多客人，大家只有一個共同話題，就是俄烏衝突變成特澤衝突，有不少人唔明白，澤連斯基點可以同金主衝突，雖然特朗普唔係真正金主，但美國係，而特朗普是美國法人代表，所以，
現在烏克蘭金主應該是特朗普而不是拜登。
有客人問點解會出現特澤衝突，老闆話很簡單，打死狗講價，老闆話在開始做茶餐廳的時候，有一個食材供應商無條件賖數俾佢，一個月後，老闆打算找數，物料供應商話不用急，半年之後，老闆收到食材供應商張單，竟然高市價很多，唔找數都可以，只要將部分股權轉讓俾食材供應商，在無前期協議之下，老闆唯有求助家人，忍痛找咗條數，以後都唔敢在未知價錢下亂賒數，否則打死狗講價是很難搞。
俄烏衝突在開始之後，本來雙方可以很快坐低談判，但在歐美國家煽動之下，加上武器源源不絕，衝突繼續下去，當然澤連斯基亦擔心日後要找數，但歐美國家認為俄羅斯有幾千億美元資產可以被沒收，只要俄羅斯被打敗，烏克蘭不但不需要找數，仲可以分到錢作戰後重建，但打了三年，只有五千萬人口的烏克蘭有一千萬難民，國土又唔見了五分一，美國見打落去會愈輸愈多，立刻埋單計數，一千億美元舊武器，打個七折都要用價值三千五百億美元稀土償還，打死狗講價，澤連斯基不服都冇用，相信澤連斯基會落台，由下任烏克蘭總統找數，光棍佬教仔，便宜莫貪，唔使錢原來是最貴的。
