今早去到茶餐廳，有客人話有一個朋友睇啱一個單位，由於業主等錢用，價錢非常之抵，但是他的朋友認為既然業主等錢用，點解唔鋤價，於是大筆一揮，鋤價10%，到最後，業主將單位賣了俾其他人，客人的朋友話今次真係走寶。
老闆話，現在賣樓的人十之八九都是等錢用，唔會無啦啦賣樓做定存，賣樓的人有一個心態，就是到價就賣，當財務問題解決了，唔再等錢用，就唔會繼續賣樓，不少有能力買樓的人以為業主等錢用而鋤價，買唔到之後又呻笨，其實，買樓計自己數，唔好計人哋數，人哋個算盤其他人又點知。
現在急於賣樓的人很大部分是當日買樓時沒有計掂自己條數，以為樓價必升，唔買就笨，甚至問財務公司借錢買樓，現在樓價下跌，利息又高，最後所買的樓宇即使沒有變成銀主盤，但都要被迫出售，業主不但損失所付首期，甚至會欠下一身債，所以，在買樓之前計掂自己條數是很重要。
上一則：
下一則：
Javascript must be enabled to use this form.
敬請留言者自律。本網站保留刪除/堵截任何留言的權利。
就是到價就賣，當財務問題解決了，唔再等錢用，就唔會繼續賣樓，不少有能力買樓的人以為業主等錢用而鋤價，買唔到之後又呻笨，其實，買樓計自己數，唔好計人哋數，人哋個算盤其他人又點知。