今早去茶餐廳，有客人話香港保持日日有牌攞，昨日攞1金4銅，奬牌數目去到7金5銀28銅，認真唔錯，不過冇留意亞運射擊是否已經舉行，理論上泰國應該攞到好成績。
老闆叫客人唔好咁刻薄，泰國只不過在最近槍擊事件死了兩個人，就話泰國可以攞好多射擊金牌，客人反問老闆知唔知泰國一年有幾多人死於槍擊之下，一向自認乜都知的茶餐廳老闆竟然話唔知，原來泰國每年有1300人死於槍擊之下，所以昨日亦有報道話香港傳媒將鎗擊事件發大嚟搞，在泰國是小事一宗，老實說，我唔知客人所講的是真抑假，但我個人唔係幾相信，一個佛教國家，而且大部份男人都曾經出過家，點解會有咁多槍擊事件，而鄰近比泰國人口多40%的越南，每年死於槍擊只有130人，叫人點樣相信泰國每年有1300人死於槍擊之下。
上一則：
下一則：
Javascript must be enabled to use this form.
敬請留言者自律。本網站保留刪除/堵截任何留言的權利。
28銅，認真唔錯，不過冇留意亞運射擊是否已經舉行，理論上泰國應該攞到好成績。