今早去到茶餐廳，有客人話美財長耶倫表示美國20幾間大銀行已經通過壓力測試，唔會執笠，所以即使大家擔心美國加息，但美股仍然上升，港股仍然沉淪。
老闆話，耶倫咁講，害死美國小型銀行，全世界都會將錢放入美國大銀行，細銀行唔會有生意，想唔執笠都唔得，客人話唔會執笠，因為耶倫亦講過，下半年美國銀行有更多合併，小型銀行併入大型銀行，並沒有執笠。
客人可能唔留意，合併只是執笠代名詞，好似瑞信唔算執笠，只是合併入瑞銀，更多合併，即是更加小型銀行執笠，即是好似茶餐廳生意唔好，被大集團收購，表面上是冇執笠，但唔使幾耐，茶餐廳就改了大集團名字，茶餐廳就永遠消失，算唔算執笠。
上一則：
下一則：
Javascript must be enabled to use this form.
敬請留言者自律。本網站保留刪除/堵截任何留言的權利。
唔會執笠，所以即使大家擔心美國加息，但美股仍然上升，港股仍然沉淪。