今日早上去到茶餐廳，見到有一個年紀比較大的客人非常開心，口沫橫飛，原來客人的兒子一家移民，雖然有叫佢一齊去，但客人話唔去，人生路不熟，又冇朋友，去嚟做乜，不如留港消費，又可以經常
見到老友，吹下水唔知幾開心，而且有二分一機會兒子會回流，不如等他們過咗去先，等五七年才考慮，不過，大多數都唔會過去。
老闆話客人講大話，唔去理由是唔想眼眢，因為他兒子兩公婆在香港有一份不錯職業，收入超過平均中位數很多，但移民之後，未必可以做返以前工作，要放下身段做非常基層工作，甚至做倉務員，外賣小哥等，而且收入大幅減少，按照常理來說，不會兩公婆一齊想移民，只是其中一個堅持，在生活不如理想之下，兩公婆難免有爭執，跟埋子女去移民隨時變成磨心，客人話全對，但又唔敢將實情話畀兒子知道，所以只能夠話恐怕人生路不熟，唔想移民。
有很多人未必知道，現在移民的人未必是政見不同，而是出於對父母的報復，原因是當日唔准他們去外國讀書，既然當日唔准，他們今日移民，不過，那些移民很快就會回流，否則就唔會有35萬人移民，17萬人回流這個情況，老實說，回流移民的父母大多數沒有跟埋去，否則的話，根都斷了，回甚麼流。
客人話北漏洞拉，即是從今日開始，他要盡做港人的義務，並不是增加工作，而是消費，不但多啲與老友聚會，而且仲要爭住埋單，唔好同別人斤斤計較，有時候被人搵老襯都好開心，所以，移民離開的人千祈唔好以為他們的父母很傷心，其實，一個人到晚年的時候，最緊要有三老，就是老伴、老本、老友，根本唔關個仔事，所以，做子女的放心去移民，就算回流都唔好咁快，畀他們的父母多享幾年清福，多盡幾年香港人責任，就是消費。
