今早去到茶餐廳，老闆同一個已經結業行家傾計，問行家點解一年前話執笠，最後又繼續做，行家話一言難盡，一年前話執笠之後，生意立刻飆升，尤其是執笠前一天，簡直做到冇停手，有不少客人話如果執笠，他們就少了一個食嘢地方，最後同老婆伙記商量過之後，隔幾日重開，但結局是反轉，不但生意很差，那些話少了一個食嘢地方的人根本沒有出現，捱了一年，輸了不少錢，最後都決定執笠，今次靜雞雞執笠，唔敢講俾其他人知。
老闆後來話，條友都唔係香港人，唔知道在香港如果有食肆話執笠，一定會吸引很多人幫襯，不但迫爆玻璃，客人仲會話唔捨得，這是香港人特色，如果老闆心軟繼續做，那些人唔會幫襯，其實，執唔執笠決定在自己身上，出品唔好，服務態度很惡劣，想唔執笠都唔得，而事實上那些在執笠之前幫襯的客人，他們是希望執笠，否則，打了的咭就唔值錢。
上一則：
下一則：
Javascript must be enabled to use this form.
敬請留言者自律。本網站保留刪除/堵截任何留言的權利。
食嘢地方，最後同老婆伙記商量過之後，隔幾日重開，但結局是反轉，不但生意很差，那些話少了一個食嘢地方的人根本沒有出現，捱了一年，輸了不少錢，最後都決定執笠，今次靜雞雞執笠，唔敢講俾其他人知。