今早去到茶餐廳，有客人問老闆，茶餐廳伙記有冇試過罷工，老闆話，偷懶就試過，罷工就未試過，罷工的人大多數是有鐵飯碗，如果是私人公司，伙記如果罷工，老闆隨時會執笠，罷工變成永久失業，打工仔明白嘅。
老闆講得冇錯，現在英國罷工的人，大多數是有鐵飯碗，例如醫護，教師，鐵路工人，仲有不知幾多，除了有一個鐵飯碗之外，仲有一個工會替他們出頭，而事實上他們今次的罷工理由亦很充分，薪金追不上通脹，想唔罷工都唔得，估計英國政府最後都要跪低，就算未能滿足罷工人士要求，最低限度都會加薪八成，否則，罷工就會變成政治事件，辛偉誠等有可能下台，而事實上罷工無論對社會，對一間公司都是致命傷，應該到最後關頭才用，唔好得以前香港有航空公司，每一年聖誕節都話罷工，搞到自己人都唔敢搭，人工上升，營業額下降，想唔執都唔得，
