今早去到茶餐廳，有客人話香港樓市點解咁奇怪，在經開大半年社運，以及三年疫情，當通關在即，樓市才向下調整，雖然昨日中原指數稍為回升，但指數公司話在農曆新年期間應該比現在跌多一成，究竟會唔會咁慘。
老闆話，現在樓市好似一個失眠的人，成晚都瞓唔著，到了差不多天光，尤其是開始魚肚白，失眠的人就會立刻瞓著，叫都唔起身。
老闆講得對，相信試過失眠的人就應該了解到，又相信一定唔會有人未試過失眠，樓市亦是差不多這個道理，那些在兩三年前買了樓的人，即使面對疫情仍然充滿信心，認為疫情過去，樓價就會急升，但疫情即將過去，他們的信心亦消失，寧願蝕本都要賣樓，臨天光才瞓著的人是很難叫得醒。
