今早去到茶餐廳，有客人話真係好人難做，原來有人搵佢介紹入一間名牌小學，他千辛萬苦做到了，那並且已經交了學費，那人的子女並沒有入讀，原因是搵到一間更名牌的小學，香港人騎牛搵馬的心態大家都明白，不過，搵到學校就立刻要通知其他正在替他們的子女搵學校朋友，不能夠咁自私。
客人話唔入學都冇問題，他收到朋友短訊，要求佢替他的子女取回已交學費，客人話莫講取回學費，現在連見都唔敢見校長，都唔知點覆，老闆話簡單，叫佢朋友自己去攞，以後唔好做雞仔媒人。
香港人這種風氣帶到英國，不少移英港人替子女報讀幾間學校，最終一定有一些會被放棄，令到英國學校大失預算，現在唯有收取不可退回的留位費，聽講都唔少，要6萬元咁多，令到移英港人大為不滿，我認為冇問題，好似落訂買樓，唔買被業主殺訂是極之正常。
