今早去到茶餐廳，見到有告示，如果客人今早做了快測，可以免費續飲，茶餐廳老闆不時都有新搞作，在疫情開始時送口罩，最嚴重的時候未打疫苗唔准進入茶餐廳，現在做快測，我唔知其他人點諗，我覺得極對。
政府對疫情做了很多事，包括一直封關，但確診數字不斷上升，昨日已經超過8000，只是做漏了一件事，沒有大力推廣快測，只是在確診地點派發快測包，其實是唔夠。
如果政府推廣每日快測，任何人在早上做快測時發覺確診，就唔會出外返工，傳畀其他人，不少公司已經要求職員每日做快測，包括我們公司在內，其他公司我唔知，但我們公司在疫情第五波之後，仍未有一個同事確診，其實，快測就是全民檢測簡易版，政府唔推行，確診數字上升，又怪得邊個。
