今早去到茶餐廳，有客人話，根據一位著名評論員所說，樓價今年尚可望保持平穩，明年打後兩三年就會急跌，原因是用BNO去了英國的香港業主覺得生活唔錯，就唔返香港賣樓，多人賣樓，樓價自然下跌。
老闆話錯，錯，錯，現在蝕讓賣樓的不少是BNO拿，蝕讓不用交英國稅，那位評論員可能不了解，當BNO拿入境英國之後，住了半年就變成一個賦稅居民，即使未係正式移民賣樓都要交稅，而交稅並不是由入境當日計算，而是由買樓當日計算，如果住宅單位是20年前買入，今日賣出，就要交40％增值稅，所以，要賣樓的BNO拿在入境英國之前一定要將物業賣走，否則英國政府會同佢分身家。不過，老闆話佢亦不太肯定，只是聽一些了解移民的熟客所講，有需要就要問專家，否則在落地英國之後，一切就恨錯難返。
