今日父親節，今早去到茶餐廳，清一色男人，大多數打算在茶餐廳飲杯咖啡之後，中午才去飲茶，今日酒樓分很多時段做生意，有一些由早上十點半開始，午市都分三個時段做生意，寧願收平些少，大家互惠。
有客人話現在無論樓市股市幣市都不穩定，投資者如何面對，老闆認為可以不買，可以不賣，千祈唔好沽空，沽空的意思大家都應該明白，就是冇貨賣而去賣，很容易會俾人夾倉，輸錢無上限，當中包括不能夠將自住單位賣走，任志剛話，這也算是沽空。
不過話分兩頭，今日酒樓可能會做少少沽空，就算明知爆棚都會接多幾枱客，恐怕有客人話做父親的客人確診，唔可以嚟，所以，大家今日去酒樓食飯，如果要等一陣間，請見諒，畢竟生意難做，酒樓做吓沽空亦是無可厚非。
