今早去到茶餐廳，有客人話有一個國內朋友兒子到香港讀大學，幾個同學合資在沙田區租樓，被要求交一年租金，可以打九折，問是否可以接受。
老闆話千祈唔好，在社區亦試過很多次，要求租客交一年租金的大多數是包租，不是業主，他們收了一年租金之後，未必會按時交租，甚至移民離開，直至業主追租才知道，最壞情況會俾業主趕走，逐個月交租損失不會太大，大不了搵另外一個單位。
雖然近日鋪天蓋地報道話有不少蝕讓，又有咁多銀主盤，但要求租客交一年租，只會在極度缺乏租盤才會出現，那些搵唔到樓租的國內大學生，聽到話要交一年租金才可以租樓，即使勉強都會做，結果可能會被業主再追租，甚至唔承認大學生與包租簽的租約，而要大學生離開租用單位。
