昨日在遊艇會食晏，有鬼佬話，傳聞美國叫塔利班放緩進入阿富汗首都喀布爾速度，等美軍可以體面地撤出，不過，塔利班似乎冇理會，美軍唯有死守美大使館以及機場，上演一場45年前已經上演過的戲，當日西貢，即是今日胡志明市被北越軍隊攻陷，這套戲叫最是倉皇辭廟日，鬼佬話其實可以避免最是倉皇，不過就嚇死蔡小姐。
如果美國立刻承認塔利班，但唔需要與阿富汗政府割席，代表阿富汗有兩個政權，以後打生打死都是內戰，與美國無關，就可以體面地撤出阿富汗。其實，美國亦以此理由撤軍，只不過唔敢承認塔利班政權，因為美國政府知道，如果承認塔利班政權，中國隨時可以武統台灣，因為美國早已承認一個中國，與台灣打生打死都是內戰。
