昨晚食飯時，老婆話有物業代理給她一個樓盤，業主已經收到offer，極有可能在下星期初簽約，代理叫我考慮一下，加少少價，他有把握將樓盤搶過來，老婆話已經推了他的介紹，不過，那位代理仍然希望我考慮一下。
我話君子不奪人之所好，這差不多是行規，或者是資深投資者的品格，所以我連樓盤都唔睇，既然已經準備簽約，業主點解仲要介紹俾其他人，如果我是出offer 那位買家，可以的話，一定會收回offer，老實說，如果我搶那個樓盤，業主又會揸住我出的offer去搵出更高價的買家，一個唔好彩俾我買到，而樓盤原來有瑕疵，最後受到損失，仲會俾人笑話搶得到未必好，老婆回覆了我的答案，那位代理竟然話我有錢都唔識賺，唔緊要，我只是遵守自己的格言，君子不奪人之所好。
