有老友問，90萬英鎊，大約962萬港元，究竟可以做什麼。我話在香港，唔夠買一個車位。在英國，唔夠畀足球員，例如阿歷斯山齊士，兩個星期薪金。
老友話我唔識理財，90萬英鎊可以做好多嘢。倫敦市長話會用90萬英鎊在就業、房屋、教育協助用BNO移民英國的港人。962萬港元可以做咁多嘢，而我話唔夠買一個車位，話我識得理財，都冇人會相信。
倫敦市長的90萬鎊言論，其實是向打算移民倫敦的港人忠告，來倫敦可以，不過只得90萬鎊幫助你們。無錢唔好嚟倫敦，情況就好似一個教人離家出走的人，對離家出走者講，我非常歡迎你到我屋企居住，但只能住一個沒有窗的雜物房，每日只能給予閣下多少交通費，老實說，打算離家出走的人聽到之後會不會離家出走，如果仍然出走，以後就唔好怪住得差，食又冇啖好食。倫敦市長其實講畀香港人知，倫敦大門為你開，無錢無銀莫進來。
