昨晚老婆同幾個大媽去米子蓮3星餐廳食飯，有一個大媽帶了三支，每支2千多元紅酒，如果在餐廳開酒，大約要5千元一支，大媽當然很開心，不過，當餐廳收300元一支開瓶費，大媽不滿意話太貴，老婆問開瓶費是否太貴，我話平到嘔，一間3星米子蓮，最低限度要有2萬支藏酒，成本不會少於5千萬，再加上保存藏酒費用，每個月最低要用30萬元，平均每日一萬，就算餐廳每日賣20支酒，成本每支500元，餐廳收300元開瓶費，其實是蝕本，所以，大家會發覺，3星米子蓮餐廳的餐酒mark up都幾高，但又不能減少藏酒，因為冇2萬支藏酒，唔好講3星，就算2星都做唔到。
有一個比較合理做法，就是叫餐廳最平的酒，但換上自己帶來的，到最後，將餐廳的酒帶走，而最平的我估計不足1000元，成本200元，餐廳有微利，就過得人過得自己，有時候我帶兩三萬元一支酒去餐廳，唔好意思叫最平的餐酒，要叫2千幾元一支餐酒，再換上自己帶嚟的紅酒，如果在餐廳開那些貴價酒，真係有d唔捨得，總之，開瓶費已經是最基本，千祈唔好嫌貴。
上一則：
下一則：
Javascript must be enabled to use this form.
敬請留言者自律。本網站保留刪除/堵截任何留言的權利。
元，平均每日一萬，就算餐廳每日賣20