昨日父親節去飲茶，經理十分開心，因為所有員工突然全部去打疫苗，酒樓可以接待六個人一枱，做多好多生意，午餐已經唔錯，晚飯仲勁，因為可以做兩至三輪，很耐冇見過這個情況，但他不明白點解員工願意去接種疫苗，唔通真係貪有得抽獎。
當然不是，有時候最壞的反而會變成好，不少香港人早已表明不會接種疫苗，但在半個月前有一個17歲少女確診，連同她的媽咪與家姐也確診，醫管局礙於私穩，並沒有將她們的病況公報，但今日仍然要對當日三母女去過的地方作強檢，估計三人的病況絕不樂觀，香港人唔係儍，知道今次變種病毒非同小可，就算唔確診，如果唔好彩被強行檢疫，都要在竹篙灣住21日，不如借公司有硬性規定，或者有獎抽而去打疫苗，所以，某些公司負責人千祈唔好講他們會顧及員工意願，不會強迫他們打疫苗，他們可能不知道，員工是等待公司強迫，否則，如果公司有人確診，咁就大吉利是，全部員工要送去隔離21日，有些公司未必可以重開，雖然有人話員工冇問題，東家唔打打西家，不過，就算打西家都要先打疫苗，點解唔現在打。
