今早有老友到公司，問我上星期有冇放股票，我問點解，佢話五窮六絕七翻身，既然知道五窮六絕，點解唔放，我就話既然知道七翻身，點解要放。
老友話事實勝於雄辯，今早恒指跌超過400點，如果放了，現在已經賺了很多，我相信很多人誤解了五窮六絕七翻身，以為這是投資市場表現，其實，這應該是講零售市場，在舊式社會，五六月都不是消費旺季，學生又是考試期間，一般飲食零售業市場都比較淡靜，到了七月，學校放暑假，傳統消費月開始，所以有五窮六絕七翻身之說，但現今社會已經不同，五月有五．一黃金週，六月有不少學校已經開始放暑假，消費月提早來臨，六月已經翻身，不過，今年並不適用於香港，因為香港仍未解封，就算過了五六月，如果香港仍未解封，七月亦不會翻身，在香港人抗拒疫苗之下，解封遙遙無期，代表翻身亦遙遙無期，或者，有人希望香港不會有翻身機會。
