有一個自認非常醒目的朋友話唔知點解，竟然會有人被電騙，他聽過不少電騙電話，最後玩到那些電騙者一楝都冇，我話這並不值得，電騙者好似賣假藥，唔買就算，千祈唔好玩他們，因為電騙者有他的電話，如果不甘心被人玩，一定會起底，除了不斷騷擾之外，倘若發現在國內曾經有一些不合法行為，例如黑市兌換，交通意外，甚至男女關係，都會借勢恐嚇曾經玩他們的人，唯一應對電騙者方法，就是不理會他們，唔聽電話，唔覆短訊，電騙者唔會浪費時間，慢慢地就會淡出，朋友唔同意，仲話有人送上門都唔玩，真係不食白不食。
今次真係上得山多終遇虎，朋友話大鑊，多年前一單生意糾紛，現在變成刑事案件，有人在電話可以用幾萬元搞掂，誰不知朋友匯了幾萬元仲變得複雜，對方話如果不是身有屎，點會無端端匯幾萬，現在要多付幾十萬才可以搞掂，朋友問是不是電騙，我話唔知，我從來不接來歷不明的電話，沒有這方面的經驗，朋友話很頭痛，我覺得是他自己攞嚟。
上一則：
下一則：
Javascript must be enabled to use this form.
敬請留言者自律。本網站保留刪除/堵截任何留言的權利。
外，