有老友在去年初搵我合作買樓收租或者短炒，我話自己運程不佳，恐怕搭沉船，其實我唔想合作，短炒已經難，長線收租更難，最後可能變成老友反目。
老友最後搵其他朋友合作，原先打算短炒，但原業主將物業賣給他們之後，藉疫情將生意結束，租約亦結束，疫情下沒有人買，短炒變長揸，而且租金要大幅下降，老友的合伙人當然有意見，兩人差不多反目，其實我有多少不明白那些搵人合作的人，他們差不多要保障合伙人有錢賺，壓力是很大，倒不如自己投資，賺蝕都是自己話事，否則，就算賺錢都有可能被合伙人話賣得太早，到蝕錢時又會話點解有錢賺都唔賣，叫人合作的人一定唔開心，而且會話投資不會包生仔，既然如此，點解仲要搵人合作。
