昨晚所有菲律賓家務助理去打疫苗，放她們一晚假，由我炒飯，我老婆話未食過咁好炒飯，我話全香港人都唔知炒飯有一個秘訣，就是所有材料由凍炒到熱，先是炒蛋，冷飯，叉燒，青豆，蝦仁，加魚露或者豉油，最後，炒到冷飯識跳舞就大功告成，唔好食問我。
老婆問，今晚中美會談之前，美國要宣布制裁24個中港官員，點解美國唔等會談之後，很簡單，賭仔去賭錢，如果唔夠信心，就會放一大堆籌碼出嚟，希望嚇到對手，其實是賭仔心虛，通常對手亦會攞一大堆籌碼出嚟，輸人不輸陣，所以，中國亦會制裁美國。
今次美國佬知道無必勝把握，日韓又唔敢表態，澳洲佬又做了縮頭烏龜，唯有用制裁，希望可以嚇到中國政府，至於結果，估計是0比0打和，或者中國會對澳洲手鬆一些，比美國一個下台階，老婆問，點解唔係台灣，始終是自己人，就是自己人才唔可以手鬆。
