昨晚食飯，老婆話有一個大媽朋友哭樓喪，佢話香港地產商是不是癲了，近幾個月，香港人人都講移民，講悲情樓市，大媽亦聽到心驚膽跳，在沒有壓力之下賣了一個優質住宅單位，但山頂文輝道地皮開標，九倉夥拍張松橋，甘比等以破紀錄呎價奪得，幾多錢一呎，盛惠港幣50010元一呎，起好就要賣10萬一呎，一個200呎龍床盤要賣2000萬，大媽知道之後喊到收唔到聲，我話喊就啱，代表評論員話樓市悲情是沒有錯，如果唔悲就唔使喊。
地產商當然不是癲了，在港幣貶值，利消低迷，疫情緩和，通關有望，申請BNO的人不多，樓市又怎會大冧，不過，有評論員話樓市悲情，講得多都有人信，賣了樓的是有形損失，大家可以睇得到，但有很多被嚇到唔敢買樓的是無形損失，大家就唔知道，我同老婆講，如果我是那個評論員，一定會被人打爆機，現在買了樓的可以恭喜他們，至於賣了樓的，大家忍一忍，千祈唔好有任何表示，唔好激佢哋，人命關天。
上一則：
下一則：
Javascript must be enabled to use this form.
敬請留言者自律。本網站保留刪除/堵截任何留言的權利。
床盤要賣2000萬，