|
1. 致湯文亮先生 2021-02-07 09:49:37 |
|
【 仲有六十日考醫科畢業試，話你知執業試難唔難。 】
要做醫生，而唔醫死一個人，本身就唔係一件易事。考試黎講，你只需要答啱60%嘅問題，始終叫做可以低空飛過，合格。同學間有時講笑，「其實就算畢到業，我地出黎做嘢可以有40%係唔識架喎，LOL」
咁睇，好難咩？唔合理咩？要求太高咩？識得60%嘅嘢都做唔到，要求拆除門檻嘅人，又係咩水平？
我琴日先同師弟妹分享，醫科，絕對唔係要我地乜都全部識哂，只係要識所謂嘅”Bread and butter”, “things you can't afford to miss”，做一個”reasonably safe”嘅醫生，呢啲都係教授係考試中展現出黎嘅要求。
免試執業，就係連呢bread and butter嘅60%門檻，都唔再需要達到。
琴日上堂睇左六個症，有兩個中國人，咁啱一樣係喺深圳河以北，睇唔同醫院睇左好幾年，遍尋良方不果，慕名黎到瑪麗醫院，先發現身上嘅癌症，原來遲左幾年發現。又有太多例子，如病人係中國醫院，類固醇亂打一通，睇到我地成組學生一頭霧水。
好多人同你講中國而家點進步，講就隨口噏都得，現實就係每日都無數中國人跨越深圳河落黎，就係因為中國嘅醫療系統水準。身處其中就知，現實係呃唔到人。 — 關於免試執業，諗左好耐同大家分享咩。
我可以寫中國VS外國醫生合格率，可以講港英年代嘅英聯邦互認制度，可以講醫生其實不缺係公私營失衡，可以講政府一邊話唔夠醫生一邊凍薪本地醫護同撤回醫學院撥款。理據在我地一邊，要講我打一萬字都講唔完。
但或者我只係想同大家分享下我嘅感受，一個仲有六十幾日就考執業試嘅本地醫科生嘅感受。
往年考最後畢業試前，會有一至兩個月放假Study Break比我地溫習。今年，疫情之下，教學嚴重延期，教學節數大幅縮短，而Study Break，都縮短到得返十二日。十二日內，我地要溫哂內、外、婦、兒、骨、精神、家庭醫學各科，再係一星期內每日考試考哂咁多科。而儘管我地一班學生每日叫苦連天，我地港大醫學院嘅教授，一早已經斬釘截鐵，講明畢業試嘅形式、難度、門檻、要求，完全唔會因而改變，”we have to uphold the standards of HKU MBBS graduates.”
儘管我地呢班學生慘成受害者，我地亦知冇得怨。
癌症唔會因為我地上少左堂，而對我地嘅病人仁慈，我地要識嘅、要做、要達到嘅水平，始終要做到。讀左六年，就知道要錯手害死一個病人，太易太易。你可以因為政治動機拆除醫生黎香港執業嘅門檻，但你不能拆除醫生要係疾病手上救返病人嘅能力門檻。免試執業，贏左一班暨南大學醫生返黎，輸左香港嘅醫療質素，輸左香港人嘅健康性命，值得咩？
—
現時執業試試題嘅設定，難度其實訂於與我地嘅本地學生考試相若，琴日走去做左醫委會嘅樣本試題，我有信心我身邊嘅同學都可以有合格分數。考試內容中，固然有少少奇難雜症嘅題目，用於識別最好成績，攞Distinction嘅考生。但絕大部份，足夠比你合格嘅，都係常見病例、或者稍為冇咁常見但嚴重緊急，一定要識嘅嘢。
（有啲醫學知識，想知嘅，樣本試題啲Topic如下：Endocarditis, adrenal insufficiency, pancreatitis for med; hernia, TURP for surg; colles fracture, hip AVN for ortho, cerebral palsy, wilms tumor for paed; stage of change, schizophrenia for psy; anti-D prophylaxis, fetal growth assessment for OG）
本地醫學院考生畢業率係超過九成五。
而執業試專業知識部份為例，英美澳等地考生考執業試，合格率亦約41-61%。中國考生？16%。
你覺得考試太難，都算，但連調整考試形式同難度都唔諗就話免試，再望下上面啲數字，就明點解林鄭政府要執意咁做。
—
最後，希望大家記得，香港仍然有一班本地醫護，努力去守護香港嘅醫療門檻，儘管有班人不斷想破壞呢個制度。為此，我亦係時候擱筆，溫書。
— 仲有，趁醫護過去一年忙住應對疫情，本身已經壓力爆煲、心力俱疲嘅時候先黎強推呢啲嘢，真係極陰毒，LOL。
#免試執業後患無窮 #堅持把關絕不免試 #反對免試執業
#認同請share |
|
2. Fisherman 2021-02-07 11:58:07 |
|
To 1F 鄭女士講緊係放寬俾香港永久居民,又關深圳河以北咩事! 你說得有點道理,但氣上心頭,無厘頭扯上政治. 中國14億人,百分九十九都係好人,只有1%是衰人,數字是1千4百萬. 香港700萬人,百分九十九都係好人,只有1%是衰人,數字是7萬. 你睇下大陸幾多衰人,成千幾萬壞人. |
|
3. 樓上，好多工種將慢慢被替代 2021-02-07 12:04:18 |
|
|
|
4. 醫生問題 2021-02-07 13:17:18 |
|
回應1樓
1. 香港大學畢業考試在設計上是不想人肥的，香港是難入易出 2. 海外大學（西方已發展國家）是易入難出，設計上完全不同 3. 免試，不是海外醫生不用考試，他們已完成畢業考試 4. 現在引入海外醫生，不是引入大陸醫生，是指定院校的西方國家醫生 |
|
5. 十一哥 2021-02-07 14:32:58 |
|
一樓 典型自以為是、捨我其誰嘅心態、講到香港醫界獨步天下、超凢入聖冇醫療失誤咁滯、人本質…唔會因為撈醫生而偉大…其實衹係工一份…苦讀得益係自己、越冇料越自大…夜郎上身。 |
|
6. 十一哥 2021-02-07 14:41:36 |
|
一樓 最扮嘢就係擺D鷄腸名詞嚇鬼、識多幾個字唔等於就高人一等㗎、太扮嘢嘞…映低咗香港人。
|
|
7. 引刀一快 2021-02-07 15:28:42 |
|
To 一樓
廣東嘅醫科，有乜理由睇暨大嘅呢，最啃梗係雙鴨山喇，好幾科都係全國第一，唔弱過北京協和㗎。
你所講嘅情況，出於大陸醫療機構良莠不齊，如果係最好果幾間過嚟，水準應該OK，主要係怕執業理念同香港唔銜接，係時間問題，只要唔好一次批太多，唔反轉香港固有醫療文化，呢啲係香港發展所需要嘅。 |
|
8. 引刀一快 2021-02-07 15:32:00 |
|
十一仔，又酸酸嘞。
你自己咪一樣寫過雞腸，冇人地咁嫻熟之嘛，五十步，笑。 |
|
9. 仲有 2021-02-07 17:39:48 |
|
唔清算D黑醫護就後患無窮 |
|
10. 向饭民说不 2021-02-07 19:00:54 |
|
引刀，今次就撑你啦，不过大陆引入医生，都唔会一大批啦，每年几个几个，其实问题无大啊。
|
|
12. 十一哥 2021-02-08 00:27:57 |
|
|
|
15. 引刀一快 2021-02-08 05:34:55 |
|
向飯
每年都唔係幾個幾個喇，不過好多攞咗香港身份證冇行醫啫。 |
|
16. 引刀一快 2021-02-08 05:39:55 |
|
|
|
17. 元朗灣區人 2021-02-08 06:55:09 |
|
香港醫生，是吸血鬼。
仲要圍在全港，當山寨王，任吸。 |
|
18. 帶風向？ 2021-02-08 09:29:38 |
|
1樓編文章完全以偏概全，帶風向針對大陸。。。
1) 宜家講緊香港永久居民先可以海外歸來執業。唔係阿朱阿9都可以來。 2）1樓只針對大陸。宜家其實有幾多香港永久居民係大陸執業或係大陸讀緊醫學呢？ 佔所有香港永久居民在海外執業中的醫生/學生比例多少呢？ 3）講緊引入在其他國家政府執業中醫生。文章是不是説全世界所有國家的公共醫療醫生都唔夠水準？咁點解咁多人去海外求醫？點解香港咁多醫療事故？ 4）也有人説語言問題。。呢個更奇怪。。一個香港永久居民去外國執業後回流，會有語言溝通問題？
|
|
19. #認同請share 2021-02-08 10:25:46 |
|
18 樓你咁掃人興? |
|
20. 致一樓醫霸 2021-02-08 10:44:20 |
|
出嚟發表下啦，醫霸！ |
|
21. 廢老 2021-02-08 11:44:28 |
|
大陸醫生可透過移民顧問，幾萬蚊就有身份證，有幾難?香港D靚藥，好多大陸冇供應，大陸醫生見都未見過，點開呀。本人用緊生物制劑，幾千蚊一次，3星期一次，大陸醫生見都未見過。 |
|
22. 出嚟發表下啦 2021-02-08 11:46:33 |
|
哩個問題都好多年啦, 其實如果觀察入微, 會發現有幾個轉捩點。 第一個應該係上世紀仲有學童保健嘅時候, 果時俾廿蚊可以任睇, 人口比較年輕, 出黎開舖睇傷風咳唔發達都唔差。 第二個應該係解放後, 發現學童保健尾大不掉, 取消左, 改為驗身。 第三個應該係內地人多左黎, 發達囉。 第四個應該係搞左樣更加尾大不掉嘅叫醫療券, 都係發達囉, 算係學童保健的另類版, 因為戰後的學童已經變成老野。 但係醫學生嘅數目, 係近年先加左, 而且仲要等七年, 而且中途會有人退出。第三第四個因素, 通識科唔會講, 係正苦飲鴆止渴自掘墳墓, 因為出面越好做, 公營越難做。 咁跳一百步地講, 其實出黎開舖或者打工私營, 都唔係個個發達, 此之所以奸人堅全力行閉關政策。 咁 triple seven 哩條橋有咩小賣點呢? 禾覺得只需要祭出合格者公營包請, 爭回話語權同定價權便是。
|
|
23. to 各位 2021-02-08 11:53:43 |
|
我入嚟睇1樓點俾大家插😂😂😂 |
|
24. 回21廢老 2021-02-08 12:10:22 |
|
本人專做標靶藥水貨，大陸醫生開出嘅藥唔貴唔開，我有個客每月經我買藥費十幾萬，你人如其名，又老又廢。 |
|
25. 入嚟睇1樓 2021-02-08 12:22:18 |
|
佢有多少熱情嘅, 不過做唔成周向榮, 咪做曾近榮囉。 |
|
26. 廢老 2021-02-08 12:52:31 |
|
其實覺得生活指數太高，醫療太貴，點解年老港人不回大湾区住及使用港大深圳醫療呢?德國老人家都去波蘭療養院啦。 |
|
28. 醫學生 2021-02-08 13:19:20 |
|
//第三間醫學院，香港做唔到，新加坡做到。
2010年，係香港政府同建制派主張緊引入海外醫生時，南洋理工大學正式拍板，同世界一流嘅倫敦帝國學院合作，建立新加坡第三間醫學院。LKCMedicine 2013年成立，2018年首批醫生進入巿場。
2021年南洋理工大學醫學院新院長係邊個？
沈祖堯。
香港政府，就係呃你香港唔夠人才，話我地起唔到第三間醫學院…//
No Stake 醫學生 |
|
29. 十一哥 2021-02-08 13:21:00 |
|
|
|
30. 向泛民说不 2021-02-08 14:00:10 |
|
24楼，还有穷人用印度仿製藥 |
|
31. 有穷人用印度仿製藥 2021-02-08 14:53:26 |
|
還有阿蕙姨上頭柱香, 俗世就係咁。 |
|
32. 新院 2021-02-08 15:01:03 |
|
做開荒牛有的是自由, 你明未? 開多間或者醫學院收多一百人, 御前侍衛李國章都唔敢做, 多一個人進入市場對已經在市場需要競爭幾十年的既得者影響有多大? 醫療券的保就業效果大到你唔信, 因為老齡學童的學年可以有三四十年, 等同一個醫生的事業生涯長短, 不過啲老野唔生性, 攞晒去食補品同配眼鏡。睇吓啦, 到公營夠人嘅時候醫療券就咳架啦。 |
|
33. Y 2021-02-08 15:09:20 |
|
從 1 樓角度看，香港公私醫生足夠的。政府很多職位，係咁意都十萬八萬一個月，出面市場冇咁既人工兼職位，可能一半人工都不值，政府不去降薪。
公道講，醫科難讀，工作忙，出到市場分分钟赚多两三倍錢，難免流失。
引進外援，如只能在公院工作，不得掛牌，可能更能两全其美，針對問題。 |
|
34. Y 2021-02-08 15:12:41 |
|
免试只能在公立醫院工作，做得不好可換人，出外掛牌要考試，两全其美，不行嗎？ |
|
35. 出到市場分分钟赚多两三倍錢 2021-02-08 16:19:14 |
|
係真唔係呀？ |
|
36. 向泛民说不 2021-02-08 16:26:13 |
|
31楼，印度仿制药和美国专利药价钱相差100倍，同时效能有90几个%，如果你是穷人，你会选边样。
印度仿制药应该只系可以系印度卖，吾可以出口，封关之前，上水药房应该也可以买到。 |
|
37. 如果你是穷人 2021-02-08 17:32:46 |
|
而家係講病人, 唔係窮人。 本講病人好多時唔係真係好病, 亦唔係真係好窮, 年紀大的特別想搵人吹水, 爭取一下認同, 認同一下佢好病好窮, 你咁吹得, 開間吹水診所就得, 連印度藥油都慳返。 |
|
確診，如果只是口頭警告，