昨晚食飯時，老婆話昨日早上睇明報，施永青話如果疫情不再惡化，樓市會升15%，比我還要牛，但睇YouTube，老施又叫人在2021年唔好買樓，令到佢好混淆，我話老施大江湖，講嘢很玄，拔尖補底，結果是怎樣他也是對，唔似得你老公，話一不二，經常被人笑到面黃。
老施的YouTube並不是叫人唔好買樓，只不過話炒樓就唔好，因為炒樓要俾15%辣招稅，炒樓不如買股票，所以，大家睇戲要睇全套，唔好睇到老施叫人2021年唔好買樓，就以為樓價會大冧，老婆話佢都未睇YouTube，食完飯再睇內容。
今早同一個問題，我俾人問到暈，我反問那些人有冇睇哂老施YouTube，全部都話沒有，我請他們睇完再搵我，竟然可以冇人搵我。
