昨晚食飯，有冇搞錯，竟然係佛跳牆，仲要係10頭鮑，這種佛跳牆我已經30年沒有食過，這是尖沙咀金冠酒樓制法，不過用上10頭鮑，一定有問題，老婆話是她的大媽朋友送嚟，明白，不過，正所謂禮下於人，鮑有所求，究竟老婆的大媽朋友有什麼要求。
老婆話，剛剛出了米芝蓮榜，她的大媽朋友的餐廳沒有上榜，非常失望，而佢又知道我有幾個租客攞到米芝蓮，有什麼秘訣，呢個問題很難答，老實說，由推介至一星比較容易，兩三星就很難，首先，當然要注重出品，款式不要太多，要集中幾款，一定要特出，其次是當每一個客人都是星探，不能厚此薄彼，第三，不要有分店或者話準備開分店，米芝蓮方面是不贊同，否則，俾一間餐廳有星變成俾幾十間，如果可以，仲要在餐廳或者餐牌上寫著，自此一店，別無分號，如果做到，就算冇星，生意都會好，老婆連佛跳牆都唔食，立刻打電話給他的大媽朋友。
