玩比特幣最緊要唔好玩槓桿

2021年1月6日

湯文亮

紀惠集團行政總裁

　　昨晚食飯時，老婆話有著名專家表示比特幣會去到10萬美元，現在大約3萬美元，她的一班大媽朋友打算玩比特幣，問我有什麼意見，我覺得很奇怪，你班大媽去賭錢，點解要問我意見，唔通我叫唔好買，升左點算，一定俾班大媽嘈我，我唯有話，比特幣我不太了解，我亦冇參與買賣，如果我買比特幣，一定唔會用槓桿，因為比特幣這種虛擬貨幣上落甚大，一落一上之下，投資者可能早已被斬倉，蝕錢有份，賺錢輪唔到他們，如果大媽可以堅守這個原則，小注亦無妨，老婆話，班大媽打算刀仔鋸大樹，如果唔玩槓桿，她們興趣不大，我話意見已經俾咗，她們怎樣做也不關我的事。

上一則：

兩夫婦不能一齊移民就唔好移

下一則：

歧視也是很好的銷售策略

更多...

我要回應

我的稱呼

回應 / 意見

驗証文字

回應 / 留言規則

禁止撰寫粗言穢語、誹謗、渲染色情暴力或人身攻擊的言論；
禁止以名稱/暱稱/綽號/同音字等批評或映射任何人士、機構、公司；
禁止發佈有關招聘、推銷、廣告等內容；
禁止公開任何個人資料(如電話號碼、電郵地址、即時通訊帳號等)。

敬請留言者自律。本網站保留刪除/堵截任何留言的權利。

會員登入

1. 十郎 2021-01-06 11:18:58

我對比特幣都係門外漢，早幾天澳洲小女兒話3萬美元買左，嚇左一跳。小女兒話可以買幾百蚊㗎。

前日在網站睇見廣告，原來買比特幣要入會，最低投資250美元。告白主人翁用左250美元（1900港元），現在每月賺30萬元，我都心癢癢。

2. 忍者 2021-01-06 12:24:22

其實比特幣喺香港係不受監管(虛擬貨幣IPO除外)，出咗事可以話係投訴無門。

若然真係想玩，第一，要揾一間口碑好既平台，細細間果啲執咗都唔知點揾佢。第二，要清楚知道賣出既時候，用咩方法同幾耐攞番啲錢。

3. 三魂 2021-01-06 13:21:31

如果槓桿埋, 咁同炒倫敦金一樣

4. 十一哥 2021-01-07 10:06:26

十哥玩過郵票/古董/蘭花/普洱/都係一樣玩法…有下家就唔會敗家、不過郵票/古董可以望下憑弔下、蘭花可以望住口中唸蟹、普洱就實際D…嗒下唔苦。

5. 十郎 2021-01-07 10:16:22

11哥，我有同感，蒜頭、薑都炒得一餐，古董普洱，買就興高采烈，想出貨就無門無路，價錢更似垃圾。

6. 十郎 2021-01-07 10:32:37

今日，我四周圍搵暴動片睇，唔知點解，自小就鍾意睇“尊榮”的牛仔片，二戰片、潛艇片，但係拒絕血腥片，我故意避開不看。早一輪香港最美的時候，冇乜正片可以睇到，今日美麗的美國，正片一樣欠奉，媒體都算公道。