食午餐時見到一個老友，佢問在過去幾年，不時見到一些新晉物業投資者，講香港樓市是最佳投資市場，他們如何夠膽借到盡買樓，仲笑一些唔夠膽入市的人。但最近，
唔知點解，那些新晉投資者講樓市的時候與以往不同。現在樓市充滿危機，他們差不多賣走哂以往買入的物業，說話不但沒有過去的雄辯，還令人覺得他們失哂信心，點解有咁大變化。
做一個投資者要有幾個條件，第一是膽量。如果冇膽，有錢都冇用。無可否認那些新晉投資者借到盡去買樓的確是很夠膽，但不是真的膽量。這只不過是部份人的個性，冇錢的時候最大膽。但買左樓變成一個有錢人，個膽亦縮水，見到市場有乜風吹草動，莫講話趁低吸納，連手上的物業都要減價賣樓。本來，趁形勢不佳賣樓亦是無可厚非，但他們賣樓之下才發覺市場上雖然劈價不絕，但指數仍然上升，代表他們賣得不合時宜，有人話他們睇冇膽揸始終賺唔到大錢。雖然那些新晉投資者話形勢不佳，市場上劈價賣樓消息不絕，唔賣樓即是唔識睇形勢。其實，識唔識睇形勢是假，冇膽是真。形勢不佳是事實，但樓價是否下跌是另一回事。現在剛剛賣了樓的新晉投資者很難重投物業投資市場，因為在形勢不佳之下賣樓，除了要降價之外，還只能夠賣走手上最優質的單位，但現實是市場上劈價聲不絕，樓價指數仍然上升，那些新晉投資者自知錯判形勢。所以，現在都不大願意講樓市。
