晨早夜話（11）深圳又何需妄自菲薄

　　昨日有深圳朋友請我上深圳食晚飯，我話唔去，留港消費。誰不知佢話我驚入唔到境，或者驚入左出唔返，所以唔敢上深圳。老友咁講，我想唔去都唔得。

　　去到之後，才知道是一個慶功宴，一班深圳人慶祝中央政府提高深圳定位，取代香港指日可待。在這樣的環境，唯有輸陣不輸人，於是對各位深圳人話，深圳早已超越香港，而且我20年前就已經知道。當年香港曾蔭權還是政務司司長的時候，率團訪問深圳，當時港深兩地仍未24通關。曾蔭權話，如果香港决定24小時通關，深圳要幾多時候做準備。深圳市市長李小雙話司長在放工前俾個電話佢，當晚就可以通關，就算放工後都沒有問題，他可以安排到，曾蔭權冇嘢好講。如是這般，香港要搞了差不多一年，才得到立法局通過。從這件事來看，深圳超越香港只不過是時間問題。其實亦早已超越，又何需中央再定位，他們為此慶祝我覺得是妄自菲薄。老實說，中央政府要深圳超越香港並不是提高深圳定位，而是降低香港規格，以基本法第14條或者第18條，派解放軍進入香港，實行一國一制，香港就立刻被深圳比下去。我對他們說，不如等解放軍進入香港才慶祝，之後舉杯預祝。我睇到他們的表情真開心。