最怕債仔臨門

　　有老友最近面對一個困難，我也不知道怎樣解決，甚至不敢給予任何意見。老友有一個朋友在去年置業，首期唔多夠，問老友借了一筆錢。當時我已經說，借錢俾朋友，結果連朋友都唔見了，但老友堅持，我亦無話可說。果然不出所料，老友的朋友買了樓之後便與他失聯，但最近又搵番老友，理由只得一個，就是問老友借錢供樓。今次的態度比當日借錢買樓的時候強硬得多，如果老友不借錢給他，他所買的住宅單位就會變成銀主盤，不但沒有錢還給老友，而他所受的損失亦應該由老友負責。嚇到我老友不但不敢追債，甚至連短訊都唔敢回覆。但是他的朋友竟然上老友的公司找他，令到同事以為老友債主臨門，無人可以聯想到是債仔臨門。

　　大家亦可能想不到，最蠢的事就是借錢俾人買樓。因為在一時三刻都不可能收回借出去的款項，樓價上升只是買樓的人英明神武，但依然不會還錢。倘若樓價下跌，他們就會埋怨借錢給他買樓的人，更加唔會還錢，但如果唔借，樓價不斷上升，又會被要求借錢的人鬧。不過，鬧還鬧，總好過日後不見了一大筆錢，萬一樓價下跌，反而有機會做了英雄。我老友的遭遇被一般人還要慘，做人做到驚債仔臨門，這個困難我真的不知道怎樣解決。