唔敢賣樓的營業部主管

　　5.1國際勞動節，與家人一起去飲茶，見到一位負責賣新樓的老友亦與家人飲茶，寒喧的時候多口問句，點解咁得閒，唔使賣樓，老友話唔敢賣，雖然沒有繼續講其中理由，但我明白他的意思，在樓價月月創新高之際賣樓，很容易被離職，唔賣樓反而樂得清閒，又可以保住份工，何樂而不為。

　　老友臨行前到我房間打招呼，順便話俾我知他已經替我埋了單，理由是我這兩年不斷睇淡樓市，令到他們有理由向老闆爭取多發售新樓盤，一般來說，所有地產公司營業部主管都有不俗成績，如果我好似其他專家一樣不斷唱好樓市，他們要賣樓就很艱難，就算老闆願意賣但要價亦會非常高，結果就是有很多新樓賣不出去，在貨尾不斷累積之下，總有一日老闆是會感覺到壓力，當老闆們要賣樓的時候，市場上未必有如此澎湃購買力，那時候做營業部主管就很辛苦，可能要夜夜笙歌來娛樂一班物業代理，希望他們可以幫忙賣樓，高佣金就不在話下，如果不被老闆翻舊帳的話，現在大多數負責新樓銷售的營業部主管都很輕鬆，最好就是政府見到地產商唔肯賣樓而推出新樓空置稅，他們就有大條道理減價賣樓，大家唔好以為那些營業部主管要好價才賣樓，其實，他們的責任是賣樓，是否好價是老闆關心的問題，賣唔到樓他們才頭痛。