新樓空置稅應該正名為新樓囤積稅

2018年4月2日

湯文亮

紀惠集團行政總裁

　　施永青在一個論壇表示，空置稅未能對症下藥，政府應該增加供應方為上策，但現在是政府已經提供足夠供應量，但地產商持貨不賣，以去年有17,800個入伙的新樓單位為例，只有大約12,000個單位售出，其餘仍然在地產商手中，試問再增加供應又如何解決問題，反而不是對症下藥，真正良策是如何令到地產商賣樓。

　　陳茂波話關注新樓銷售方法，必要是推出局部性空置稅，意味著是新樓空置稅，但業界好似有意誤解，無論是什麼人解讀，都忽略了是新樓空置稅，只是說空置稅不能解決問題，現在連老施都誤解，我認為陳茂波有必要澄清，或者索性不用新樓空置稅，改名為新樓囤積稅，這個說法應該沒有人會誤會，其實，老施應該歡迎新樓囤積稅，月初陳茂波放風，會德豐立刻賣樓，三月份賣了超過1,500個新樓單位，佔總銷售量超過六成，如果不是陳茂波表示關注，我相信會德豐不會賣多過700個單位，除了地產商之外，物業代理是最大受惠者，老施點解要反對，真的是不明白，除非老施不明白新樓空置稅的意思。

上一則：

共產主義與資本主義的烏托邦

下一則：

未落成就不算是貨尾

更多...

我要回應

我的稱呼

回應 / 意見

驗証文字

回應 / 留言規則

禁止撰寫粗言穢語、誹謗、渲染色情暴力或人身攻擊的言論；
禁止以名稱/暱稱/綽號/同音字等批評或映射任何人士、機構、公司；
禁止發佈有關招聘、推銷、廣告等內容；
禁止公開任何個人資料(如電話號碼、電郵地址、即時通訊帳號等)。

敬請留言者自律。本網站保留刪除/堵截任何留言的權利。

會員登入

1. 真真薯片 2018-04-02 10:04:20

堅叔盡推, 一來係比下面, 二來最重要係個市好, 個市比到價又去到貨, 個市真係出奇地好, 年零前地霸賣新樓, 3房係比較難去貨, 想做vip買兩間必須要有一間係3房, 依家已經冇需要咁樣安排, 證明個市真你勁左

至於比面, 只係順便, 比面既野只可以間唔中, 冇得長期, 茶餐廳老闆可以今日開心比面你請你食早餐, 但係要茶餐廳老闆日日比面你就有d難, 正如上年銀行都比面正苦加息0.25厘, 依家都打回完形

正苦想地霸賣樓, 唔可靠比面, 比唔比面主動權係地霸度, 而係要靠市場壓力, 如果正苦一年推一萬個居屋單位, 一萬蚊呎, 盡吸市場購買力, 地霸售樓處拍烏蠅, 拍得兩年, 見居屋供應仲係湧住黎, 自然會腳軟減價賣樓, 不過地霸同正苦早有默契, 以拖時間做目標, 拖多幾年又換届走人, 下一手上場再研究研究研究, 地霸就一直吸水, 無限loop

2. 十一哥 2018-04-02 10:46:21

而家唔理父幹定母舉、計過數捱得到、最多都係哂冷…好少四圍籌旗、如果地霸唔吊高、要清貨就要平多少、谷到咁高…開天殺價…落地都仲好貴。

好多餓樓…早感覺等到地老天荒、平多少就沖啦！你沖佢又沖、mission accomplished砂炮全民共擁、爬山縛埋一條繩…力有未逮嘅心慌又頭暈…恐怖 !

3. 真真薯片 2018-04-02 10:56:37

好多買家真係已經等到天慌地老, 但係正苦仍然要大家繼續等, 大家可以繼續等等等。。。

4. 十一哥 2018-04-02 11:43:29

買樓係必然咩 ! 買樓~權利~係自我~能力~賦予嘅、而家攪到買唔~起~樓就係社會嘅錯…人民公社 ? 嘈得最大聲嘅係執多少啅咗…等跌再平D~果班賭仔、比租壓到抖唔到氣嘅最無助、政府攪D乜9~置居、3皮入息都頂唔蒲、有乜依郁而家買嘅居屋都可能入肉、置業點解正苦要幫手 ?

公屋先係政府嘅責任、為民置業係…不務政業嘅越權行為、公屋租金以入息拉curve、高D入息都願者可住、班賭仔就冇得喊買唔到~平樓~輸打贏要啦！

靈藥實有強勁副作用、香港咁强健嘅體魄…可以成日proud proud 地…係磚頭賦予嘅 !