夠膽做就要夠膽認

2017年9月10日

湯文亮

紀惠集團行政總裁

　　昨日下午與一班澳門粵華小學同學聚會，大家講起教大民主牆奚落蔡玉蓮喪子標語，有同學話夠膽做就要夠膽認，那位同學還記得在小六那一年，還有一個星期學期便完結，有老師在教書時騷手弄枝，我隨口講了一句話那位老師好似小丑，全部同學都知道是我講，唯獨是老師不知道，仲話冇人認就會將全體留堂兼記小過一次，我起身認了，老師話我已經有一個大過，今次一定會記大過，所以，老師叫我可以執書包，唔需要考試，一定會被趕出校。

　　結果我沒有被趕出校，因為當我去到校務處，校長話我勇於承認，將大過變為小過，今次教大事件，愈搞愈大，傳聞話有500校長聯署不聘用教大畢業生，亦有大約10位教大實習生被中止合約，我相信傳聞不會是真的，不過，無論真與假，那兩位貼標語的人應該站出來，無論結果是怎樣都應該由他自己面對，更加不能夠因為自己行為連累其他教大學生，但我亦明白，那些行為絕對不會被人接受，他們一曝光，前途就會被毀了，但我始終認為，他們應該站出來，夠膽做就應該夠膽認。

上一則：

成立搵地小組其實是向市民認錯

下一則：

沒有損人，害死自己的行為

更多...

我要回應

我的稱呼

回應 / 意見

驗証文字

回應 / 留言規則

禁止撰寫粗言穢語、誹謗、渲染色情暴力或人身攻擊的言論；
禁止以名稱/暱稱/綽號/同音字等批評或映射任何人士、機構、公司；
禁止發佈有關招聘、推銷、廣告等內容；
禁止公開任何個人資料(如電話號碼、電郵地址、即時通訊帳號等)。

敬請留言者自律。本網站保留刪除/堵截任何留言的權利。

會員登入

1. 引刀一快 2017-09-10 09:41:51

係喇，自己嘅言行要負責，做得出，怕唔怕都要認。

天理循環，呢度偸鷄，第度走雞，大大鑊都要企岀嚟。

3. 真真薯片 2017-09-10 11:56:25

最好當然係有錯就認, 不過香港人既文化之一, 係有錯死亡都唔可以認, 正苦高官或者商界高層撫心自問, 自己有冇做錯過事, 做錯左有冇認? 不過答案多數係“我冇錯”, 相信點大字報果兩個人既諗法都一樣, 佢會認為自己冇犯法, 錯咩啊？

講到底其實大家都係香港人性格, 冇分別

4. 打工仔 Andy 2017-09-10 12:26:43

要不請不用聯署, 心知就可以!

不過, 錯的只是一些暴徒, 踢走暴徒就可以!

5. 引刀一快 2017-09-10 13:52:43

其實最好企出嚟現身說法，如果係有深仇大恨，怕咩俾人知唧。