唔講大家或者唔知道，方中信同我是澳門粵華中學校友，澳門人知道，粵華仔比較寸，唔係好受歡迎，但我們認為自己有吉士，寸是不明白粵華仔的人想法而已，唔寸，我點會寫到「細價樓爆煲論」，還有一件事，方中信與我都是粵華多年來十二位風雲人物，在粵華中學裡面，
有一個房間放了我們十二個人的資料。
今次方中信唔肯應酬大媽被炒，表現相當冷靜，連解釋都費事，唔係明眼人都知道發生什麼事，解釋都多餘，那隻瑞士名錶以為炒方中信是廣告橋，或者係，不過所得到的是反效果，我是生意人，估計唔需要太耐，那隻瑞士名錶又會再炒人，那次將會是炒今日炒方中信的人，唔借那個人頭一用，中國市場可以說是放棄，做生意的人比曹操還要明白這個道理，方中信當放大假，或者可以在七月中參加我與粵華校長的晚宴，不過，我相信是等唔到七月中，方中信又要替那隻瑞士名錶工作，不過，酬勞就會大幅增加，現在休息一下也是好事。
